زجل يا مريم يا حنونِه – بقلم أسماء طنوس المكر
------------------------------------------------
يا مريم يا حنونِه --- إنتٍ أُم المسكونِه
لمّا بتُطلبي يسوع --- طلباتِك مَضمونِه
----------------------------------------
يا عذرا صَلّي لينا --- منِ الحُروبِ نَجّيـنا
إنتِ بِتخافي علينا --- منِ الضّيقاتِ بِتصوني
-----------------------------------------
خَلّي عيونِك علينا --- وقلبِك يِترَضّى علينا
صلاتِـك بتقـوّينـا --- لَمّـا مَعـنـا بِتـكـوني
----------------------------------------
صَلّي لِربِّ السّلام --- يحَقِّق سِلمُـه لِلأنـام
يِرجَع كُلُّه بالتََّمــام --- الدِّنيي بيَدِّك مَرهونِه
-----------------------------------------
بيَسوعِ الفرح بيعود --- وكُلٌّ بالأغاني يجود
ولَمّـا الإلـهِ مَوجـود --- بتِبقى الدِّنيي مَزيونِه
------------------------------------------
يا عذرا أُمُّ يسـوع --- صَلّي لِكُـلِّ مَوجـوع
نَجّي فقيرمنِ الجوع --- قلوبنا لِكِ مَمنونِـه
-